ఈ పుట ఆమోదించబడ్డది
పీటపై గూర్చుండి పిలువనంపక యుండ
నేదినమ్మున భుజియింపలేదు
మొదటినుండియు దుట్టతుదదాక నొకరీతి
గురుభావమున లోటు జరుపలేదు
ఇట్టిరీతిగ బదు నెన్మిదేండ్లు జరిపి
కృష్ణ భూపాలకుడు దివి కేగె నేటి
కాయనకు నాకుం గల్గు ఋణానుబంధ
మక్కటా ! దైవదౌర్బల్య మణచివైచె.
సీ. రచియించినాడ బుద్ధచరిత్ర కృతిగాగ
మేలినాటకములు మృచ్ఛకటిక
బాలరామాయణ పాండవవిజయము
ద్రారాక్ష నేడ్వర్డురాజమౌళి
పట్టాభిషేకముల్ పావనయుష్మదా
ఖ్యాభూషితమ్ములుగా నొనర్చి
నీకీర్తి కాంత కీలోకమ్మునందు వ
సించుసౌధమ్ము నిర్మించినాడ
బండితుడు కవి మిత్రుడు బాంధవుం డ
నంగమెలగితి దానికి నాకు నీవి
చేయు ప్రత్యుపకార మిస్సీ! మహాత్మ !
వదలి దివి కేగుటా కృష్ణవసుమతీంద్ర!
గీ. శనిమహాదశ మంచియుచ్చదశ యంచు
బల్కు కార్తాంతికుల పల్కుబడు లనృతము
లనగ శనిదశలోని శన్యంతరమున
గుజుడు పాపాత్ముడగుచు మాకొంప దీసె