పుట:Ananthuni-chandamu.pdf/156

⁠

ఆశ్రితావనలోలుఁ డాభీరకాంతాకు            చాగ్రకుంకుమభూషితాంగుఁ డితఁడు ఆశ్రాంతజయధాముఁ డాశాంతవిశ్రాంత            యశుఁడు ధరాధరశ్యాముఁ డితఁడు విశ్రుతవిభవుండు విపులబలాఢ్యుండు            వికసితవదనారవిందు డితఁడు

⁠

గీ.⁠

అనుచు మునులును దివిజులు నభినుతింపఁ జూపుచెవులపాన్పున వెన్ను మోపియుండు నంబుజోదరుఁ డంచు ని ట్లాంధ్రకృతులఁ జెప్పిరేని వృత్తప్రాససీస మగును.

⁠ 28

సర్వతఃప్రాససీసము—

⁠

నీరదవర్ణుండు నీరేరుహాక్షుండు            నీరధిబంధనోదారబలుండు కారుణ్యరసరాశి గౌరీరసజ్ఞావి            హారి శోభితనామగౌరవుండు ధీరుండు త్రిభువనాధారుండు దశరథ            క్ష్మారమణేంద్రకుమారవరుఁడు మారీచదమనుండు నారాచవిద్యావి            శారదుం డసురవిదారణుండు

⁠

గీ.⁠

ధారుణీసుత నయనచకోరసరసి జారి యన సర్వతఃప్రాసచారుసీస మారయఁగ సత్కవిజనవిస్ఫారనుతులఁ దేరు శ్రీపద్మనాభ శృంగారసార!

⁠ 29