అంద మేదినియనువృత్తము—
|
నగణముతో జకారభగణంబుల్ జకార
ప్రగుణిత రేఫయున్ గురువుభాతిఁగాగ నోలిన్
దగ నవతార విశ్రమము దండిగా నొనర్పన్
మృగమదవర్ణుఁ డీయకొను మేదినీ సమాఖ్యన్.
| 80
|
అంద నర్కుటమనువృత్తము—
|
కొలిచెద నందగోపసుతు కోమలపాదములన్
దులిచెదఁ బూర్వ సంచితపు దోషములన్ సుఖినై
నిలిచెద నన్న నర్కుటము నిర్మల వృత్తమగున్
సలలితమై నజంబుల భజావల దిగ్విరతిన్.
| 81
|
అంద శిఖరిణియనువృత్తము—
|
గజేంద్రాపద్ధ్వంసిన్ ముదిరసదృశుం గంజనయనున్
భజింతుం దాత్పర్యంబున ననినచో భాస్కరయతిన్
ప్రజాహ్లాదం బైనన్ యమనసభవ ప్రస్ఫురితమై
ద్విజశ్రేష్ఠు ల్మెచ్చన్ శిఖరిణి గడున్ విశ్రుతమగున్.
| 82
|
అంద మందాక్రాంతమనువృత్తము—
|
చెందెం బాదాంబుజరజముచే స్త్రీత్వ మారాతికిం జే
యందెం జాపం బిరుతునుకలై యద్భుతం బావహిల్లన్
మ్రందె న్మారొడ్డి దశముఖుఁడున్ రాముచే నంచుఁ జెప్పన్
మందాక్రాంతన్ మభనతతగా మండితాశాయతుల్గాన్.
| 83
|