ఈ పుట అచ్చుదిద్దబడ్డది
దేశముఖూ గుండాలను గడగడలాడించినా
నల్లా నరసింహుడయ్యి గర్జించి దునుకరా
మనము కొలిసి మొక్కే సమ్మక్క సారక్కలురా
సమరభేరిని మోగించి రణం జేసినారురా
కొరివీరుడు వెలసినట్టి రుద్రభూమిరా
కొదమ సింహాలై కొట్లాడే తెగువ నింపెరా
చిన్న చీమలేనురా పామును చంపెరా
పెద్ద గుంపు నీదిరా ఎనకడుగేందిరా ॥బీసి సోదరా॥
సాయుధపోరాటంలో ఆయుధమే నీవురా
సత్యాగ్రహ ఉద్యమంలో చేయూతే నీదిరా
తూటాలను త్రుంచేయగ ప్రాణాలెదురొడ్డినా
దొడ్డికొమురయ్య గుండె బలమే నీకుందిరా
నీవు నీ వాళ్ళనె శత్రువుగా చూడబోకురా
నిమ్న వర్గాలను కలిపేటి బాట నడువరా
మనము అనుకుంటె ప్రళయం సృష్టించగలమురా
కడలి కల్లోలం ఆపుట ఎవడబ్బ తరమురా
కుమిలిపోవుడేందిరా కెరటం నీవురా
తీరం చేరగా ఎదురే లేదురా ॥బీసి సోదరా॥
{rh|అంబటి వెంకన్న పాటలు||242}}
