గోదారమ్మ
గలగలా పారేటి గోదారమ్మా
గండాలు నిన్నిడ్సి పోలేదమ్మా
శ్రీరాముసాగరు వరదా కాల్వతోని
సేతులెత్తినోళ్ళు కూతేసేనమ్మా
చెట్టుపేరుజెప్పి కాయలమ్ముకుంటూ
కట్టు కథలతోని కాలమెల్ల దీసి
ఇందిరమ్మ రాజ్యమంటరు రాజీవు పాలనంటరు ॥గల గలా॥
ఆదారి ఈదారి ఏదారినోగాని
గోదారి మళ్ళించే పథకమేసిండ్రు
అవినీతి యజ్ఞంలో అదికార్లు కాంట్రాక్టులు
శాస్త్రీయ సర్వేని నీటముంచిండ్రు
ఇన్నేండ్ల కాలంలో ఎన్నడు లేనంత
ఇగురంగ ఎగిరెగిరి చిందేసి ఆడంగ
ఇందిరమ్మ రాజ్యమంటరు రాజీవు పాలనంటరు ॥గల గలా॥
దేవులాట లేనోల్లు దేవాదులన్నరు
ప్రాజెక్టు పనులన్ని పక్కకే బెట్టిండ్రు
ఎల్లంపెల్లి గాక ఎక్కిళ్ళు బెట్టింది
చేవెళ్ళ చెల్లెమ్మ చెంగనాలాపింది
చెర్లు కుంటలు నింపి నీరు పొదుపు జేసే
పథకాల పేరుతో పని పాతరెయ్యంగ
ఇందిరమ్మ రాజ్యమంటరు రాజీవు పాలనంటరు ॥గల గలా॥
అంబటి వెంకన్న పాటలు
144