వినియోగము:—
| విషామృతాదిపానేషు ప్రచండ పవనే౽పిచ, | 260 |
తా. విషము అమృతము మొదలగువానిని త్రాగుటయందును, ప్రచండమయిన గాలియందును ఈ హస్తము ఉపయోగింపఁబడును.
గ్రన్థాంతరస్థారాళహస్తలక్షణమ్
| పతాకాఙ్గుష్ఠతర్జన్యౌ వక్రితౌస్యాదరాళకః, | 261 |
| అరాళః కుమ్భజాజ్జాతః సఏవ ఋషిరుచ్యతే, | 262 |
| ఏవమేతస్యా౽నుపూర్వీం వదంతిభరతాదయః, | |
తా. పతాకహస్తమున అంగుష్ఠతర్జనులు వంచఁబడినయెడ అరాళహస్త మగును. ఇది పూర్వకాలమునందు అగస్త్యమహామునివలన సప్తసముద్రములను ఆపోశనము చేయునపుడు పుట్టెను. ఇది మిశ్రజాతి. దీనికి అగస్త్యుఁడు ఋషి. పాటలవర్ణము. వాసుదేవుఁడు అధిదేవత. దీని అనుపూర్వి ఇటువంటిదని భరతాదులు చెప్పిరి.
వినియోగము:—
| ఆపోశనే బ్రాహణానామాశీర్వచనకర్మణి. | 263 |
| విటానాం ప్రియవై ముఖ్యే కేశానాంచ విశీర్ణకే, | 264 |
| లలాటస్వేదహరణే కజ్జలాలేపనే దృశోః, | 265 |