సరణులఁ బిక్కలాగుడును సైఁచుచుఁ గాల్నడయే పొనర్చి రా
తిరులను గోదుమన్నమును దించుఁ గ్రమంబుగఁ బత్రికాభృతుల్
తిరిగి వసూలుచేయునెడ దేహముడస్సెఁ గరంబు భాస్కరా! ౮౪
భిస్స రుచింప కర్హమగుభేషజ మిచ్చెడివా ర్లభింప కే
నుస్సురటంచు స్వీయమగు నూరును జేరితిఁగాని యెంతకు౯
లెస్స వహింపలేక శకలీకృతచిత్తుఁడ నైతి భాస్కరా! ౮౫
దరుచిం గొన్నిదినంబు లభ్యవహృతం బౌనన్న పానీయముల్
త్వర జీర్నింపక కొన్నినాళ్లు మలనిర్బంధంబునం గొన్నినా
ళ్లరికట్టంబడియున్నవాఁడ నిటులే యార్మాసముల్ భాస్కరా! ౮౬
రిత్తగ నున్నదంతయును రెండెనెలల్. తరువాత వెండియు౯
క్రొత్తకవిత్వము౯ నడచె. కొల్లగ వ్యాసముల౯ లిఖించితి౯
విత్తముపొంటె నూళ్లపయి వెళ్లి చరించుచునుంటి భాస్కరా! ౮౭
ఏకడ కేగిరాకె మఱియె ట్లిఁకనాగరఖండముఖ్యగ్రం
థాకరమై మనీషిహృదయంగమమై యలరారుపత్రిక౯
సాఁకఁగలాఁడ? ధర్మమును జాతఁగలాఁడను నేను భాస్కరా
ధీరంమన్యవిచారదూరజనతాధిక్కారకృత్యాదృతి౯
ప్రారబ్ధార్థము సాఁగుచుండవలెన౯ భావస్థమౌపూంకిని
ట్లారాటంపడుచుంటిఁగాని యగునే సారోగ్యత౯ భాస్కరా! ౮౯
మిక్కిలి పోదు. పోయినది నిత్తికి దీటయి పొట్ట యంతయు౯
నొక్కు. శకృత్తు వెల్వడదు. నోటియసహ్యత తీఱ. దొక్కనా
ఉక్కును లేమియుం గతములూఱటలేక చరింప భాస్కరా! ౯౦
