ఇరువది రెండవ ప్రకరణము
113
ఉభయులు—— చేయుదుము.
సత్యానంద—— ఎన్ని దినములవఱకు . మాతయొక్క ఉద్దారము కాదో యంతవఱకు గృహధర్మములను త్యజింతురా?
ఉభయులు—— అట్లే చేయఁగలము,
సత్యానంద——తల్లిదండ్రులను విడిచెదరా?
ఉభయులు—— విడిచెదము,
సత్యానంద—— భ్రాతలను భగినీలను?
ఉభయులు—— వారినిఁగూడ విడిచి పెట్టేదము.
సత్యానంద—— దార సుతులను?
ఉభయులు——త్యజించెదము.
సత్యానంద—— ఆత్మీయస్వజనులను? దాసదాసీజనులను ?
ఉభయులు.——అందఱను బరిత్యజించెదము
సత్యానంద——ధనము? భోగములు?
ఉభయులు—— సర్వము పరిత్యాగ మాయెను.
సత్యానంద—— ఇంద్రియములను జయింతురా ? ఏకాసనమున స్త్రీలతోఁ గూర్చుండకుందురా!
ఉభయులు——ఇంద్రియములను జయించెదము. అట్లు కూర్చుండుట లేదు.
సత్యానంద——భగవత్సాక్షిగా సొంతమునకుఁగాని, లేక స్వజనులకోఱకుఁ గాని అర్ధోపార్జన చేయుట లేదని ప్రతిజ్ఞ చేయుదురా! ఏముపార్జన చేసినను దానిని వైష్ణవధ నాగారంబున కోసంగుదు మని ప్రమాణము చేయుదురా?
ఉభయులు——అట్లే ప్రమాణము చేయుదుము.
