తృతీయాంకము ] సీతావనవాసము 31
సత్యబాహ్యమైన, సమ్మతిగానున్న
వారి ననుసరింప వలయు నృపతి.
లోకు లభినందింపని రాజ్యపాలనము నిరర్థకము.
నన్నైన సీతనైనను,
నిన్నైనను రాజ్యమైన నేవిడతును లో
కోన్నత కులకీర్తికి నా
పన్నత వాటిల్లెనేనిఁ బలుకు లిఁకేలా ?
వత్సా, యేల వితర్కము ? కార్యము నిశ్చయింపఁబడినది.
లక్ష్మ : {ఆతురతో] ఎటులు ?
రాము : ఇటురమ్ము. [మెల్లగా] సీతను ఋష్యాశ్రమున వదలి రావలయు.
లక్ష్మ : [చకితుఁడై] అకటా ! యేమివింటిని ? కానలకుఁ బంపుటయా ? అన్నా, చిత్తచాంచల్యమునఁ బలుకవుగదా ?
రాము :
నిండుచూలాలి జానకి నెనరులేక
కాననంబుల కంపింపఁ గడఁగు వీని
కెక్కడిది చిత్తచాంచల్య ? మేటికరుణ ?
యేన క్రూరుండఁ బల్కితి నిట్టిమాట.
లక్ష్మ : అన్నా, అతి కఠోరశాసనము.
రాము : లోకమును సంతోషపెట్టవలయు.
లక్ష్మ : లోకమున సజ్జనులులేరా ?