పుట:2015.391574.BHAKTIRASA-SHATAKA.pdf/509

498

భక్తిరసశతకసంపుటము

సీ.⁠

సన్ముహూర్తంబున సమ్మతంబుగ బంధు                       మధ్యంబునను నీకు మద్గురుండు నను యథావిధి నొసంగిన నగ్నసాక్షిగ                       లీలతోఁ గైకొని యేలుకొనియు విడనాడి మఱచి తీవిధము నే నెఱుఁగక                       విభుడు నన్నేలకో వేగఁ బ్రోవ నేతేరఁడని మది నెంచి క్షణంబు యు                       గంబుగఁ గాలంబుఁ గడిపికొనుచు

⁠

గీ.⁠

మోహమున కగ్గమై సిగ్గు మోసపుచ్చి యిటకుఁ జనుదెంచితి పరాక దేలనయ్య యేలుకొనుమయ్య నేరంబు లెంచకయ్య వీత...

⁠ 69

సీ.⁠

సంతసం బొసఁగు నాశైశవం బెడఁబాసి                       యిప్పట్టుననె ప్రాయ మేల వచ్చె వచ్చెఁ గాక నసౌఖ్య మిచ్చు బుద్ధివికాస                       మింతవేగంబె దా నేల బొడమెఁ బొడమెఁ గాక త్రయీభూషణంబైన ని                       న్నెదలోనఁ దలఁపోయ నేలనాయె నాయెఁగా కకట నీ కఖిలంబుఁ దెలిసియు                       నిట్టు నాపై మఱ పేల బుట్టెఁ

⁠

గీ.⁠

బుట్టెఁ గాక దయాశాలి బ్రోచుననుచు నమ్ముకొని వచ్చి ననియైన నన్నుఁ గన్ను లారఁ గనవేల యిదివీల చారుశీల వీత...

⁠ 70