పుట:2015.391574.BHAKTIRASA-SHATAKA.pdf/469

458

భక్తిరసశతకసంపుటము

చ.⁠

మదయుతుఁడ న్దురాగ్రహుఁడ మందుఁడ నైనను సర్వవైభవా స్పదమగు నీపదద్వయము భావన సేయుచునున్నవాఁడ నో సదయగుణాంబుధీ! దురితసంఘ మడంచి సమస్తసౌఖ్యసం పదల నొసంగు మీవు పరిశుభ్రగుణాకర రాజశేఖరా.

⁠ 89

ఉ.⁠

గౌళ బిళాహరీ శహన కాఫి కమాచి ముఖారి నాట భూ పాల మఠాణ బేగడయు భైరవితోడివరాళులన్ శ్రుతుల్ మేళన చేసి ఱా ల్గరఁగ మెండుగ నీపయి సత్కృతుల్ సదా బాళిని రంగు రక్తిఁ దగ బాడుదు శ్రీకర రాజశేఖరా

⁠ 90

చ.⁠

సరసకలాకలాప విలసత్కవివర్ణ్యమహద్విలాస సుం దరకరుణారసార్ద్రసముదారకటాక్ష భృదీక్షణాతి భా సురముఖమందహాస పరిశోభితహర్మ్యవిరాజమానస ద్వరగృహ వాకతిప్పపురవాస! మహేశ్వర రాజశేఖరా.

⁠ 91

చ.⁠

గురుతరభక్తి భక్తజనకోటి నితాంతము సేవ సల్పఁగాఁ బరమకృపామతిన్ దగుశుభంబు లొసంగి యభీష్టసంపదల్ గురియుచు బార్వతీపతినిఁ గూడి సుఖించుచు వాకతిప్పమం దిరమున నిల్చి పొల్చు నగధీర మహేశ్వర రాజశేఖరా.

⁠ 92

చ.⁠

ఘనుఁ డతినీచుఁ జేరి మెలఁగన్ ఘనమంత దొలంగు నీచుఁ డా ఘనునెడ బాయకున్కి ననఘా ఘనమొందు నిజంబు నావచే

⁠