పుట:2015.391574.BHAKTIRASA-SHATAKA.pdf/310

రమాధీశ్వరశతకము

299

⁠

బు వియత్సింధుజనిప్రదేశము భవత్పుణ్యాంఘ్రియుగ్మంబు నే వివిధోపాయములన్ భజింతు హరి గోవిందా రమానాయకా.

⁠ 23

శా.⁠

జ్ఞానంబొందఁగ నీవ మానసమరాళంబుఁ భవత్పాదుక ధ్యానానందసుధాబ్ధివీచికల నోలాడ బ్రబోధించుచో మేనుబ్బన్ బ్రమదాశ్రువుల్ దొరఁగ నామీఁదన్ దయల్ వారుచో వీనుల్ నిండును మీకథామృతము గోవిందా రమాధీశ్వరా.

⁠ 24

శా.⁠

చూడ్కుల్ తావకపాదపద్మమధుపస్తోమాభిరామంబు లై వేడ్కన్ గ్రీడలు సల్పఁగా శమదమావిర్భావయోగీంద్రు లే మాడ్కి నిన్ను భజింతు రానిగమకామ్యజ్ఞానిగాఁ జేయవే వీడ్కొందున్ భవరోగదుఃఖముల గోవిందా రమాధీశ్వరా.

⁠ 25

శా.⁠

కంబుగ్రీవము కౌస్తుభాభరణముల్ కర్ణాంతవిశ్రాంతనే త్రంబుల్ చారులలాటమున్ వదనపద్మంబున్ సునాసాపుటీ బింబోష్ణోరుకిరీటకుండలములున్ బీతాంబరంబుం గడున్ వెంబైయుండఁగ నిల్వు నామదిని గోవిందా రమాధీశ్వరా.

⁠ 26

శా.⁠

కోటీరాంగదకుండలప్రభల దిక్కుల్ తేజరిల్లన్ గటీ

⁠