పుట:2015.390519.Shashamka-Vijayamu.pdf/79

చతుర్థాశ్వాసము

79

క.⁠

పెద్దలు లేనియెడన్ మి మ్మిద్దఱ నే నొంటినునిచి యేఁగఁగ నగునే ముద్దియ! యేమని చెప్పుదు పెద్దతనము వోయె బుద్ధి పెడతలఁబట్టెన్.

⁠ 15

చ.⁠

శివశివ! యెంతపాతకము సేయఁగ నొగ్గెను సిగ్గుమాలి వీఁ డవిరళభక్తిమై జనని యం చని [1]యెన్నుచుఁ దండ్రి యంచు న న్నవిరతము న్భజించి నిఖిలాగమము ల్చది విట్లు చేసెనే యువిదల నమ్ముటే పురుషు! లుర్వి నవిశ్వసనీయ లెన్నఁగన్.

⁠ 16

చ.⁠

నిలకడ సున్న వావి నహి నేస్తము నాస్తి భయంబు లేదు చం చలహృదయల్ దురాత్మక లసత్యలు కాంత లదాంత లింతయున్ దెలియక యానృపాలకులు నిగ్రహ మొప్పఁగఁ బోతుటీఁగెయు న్బొలయఁగ నియ్య రంతిపురిఁ బుత్త్రుల నైనను నమ్మ రెంతయున్.

⁠ 17

గీ.⁠

తెఱవ! మీశీల మెల్లను దివ్యదృష్టిఁ జూచినాఁడను నీ వింక దాఁచవలదు నీవె చెనకితివో లేక నిన్ను వాఁడె చెనకెనో తెల్పు తెలిసి శిక్షింతు ననిన.

⁠ 18

క.⁠

బొటవ్రేల నేల వ్రాయుచుఁ గటకటపడి మేను వడఁకఁ గనుఁగవ నశ్రు ల్పొటపొట రాలఁగ నేడ్చుచుఁ గుటిలాలక శిరము వంచికొని యిట్లనియెన్.

⁠ 19

సీ.⁠

ఏ మని యుత్తరం బే నియ్యఁ గలదాన,         నెందునఁ దీరు మీసందియంబు ఇంక నాపయి దయ యెట్లు గల్గును మీకు,         సైఁపక యున్న నాజన్మ మేల పాపపుదైవంబు పాపెనో మనలను,         తలను వ్రాసినవ్రాలు తప్ప దింకఁ ద ప్పొనర్చినవారి దండింతు నంటిరి,         త ప్పొనర్పనివారు ధరణిఁ గలరె

⁠

1. నన్నును