పుట:2015.373276.Rangaraya-Charitramu.pdf/11

10

రంగారాయచరిత్రము

సీ.⁠

అతనిచేతికటారి కభియాతినృపశరీ         రములు సజీవకోశములు గావె యతనిశౌర్యాగ్నికి నభియాతినృపదుర్గ         తండముల్ హోమకుండములు గావె యతనియాగ్రహశక్తి కహితభూభృచ్ఛిరః         కమలముల్ కబళకోశములు గావె యతనిజయేందిరకరిరాజకరికుంభ         నికరముల్ హారపేటికలు గావె

⁠

తే.⁠

భళిభళీ యని తనప్రతాపంబుఁ గాంచి సకలదిగ్దేశనృపతులు సన్నుతింప నలరు బెల్లపుకొండ ధరాధిరాజ రాజమార్తాండమూర్తి యారామనృపతి.

⁠ 29

మ.⁠

అలఘుశ్రీనిధియట్టిరామవసుధాధ్యక్షుండు గాంచెన్ గుమా రుల మాద్రేయులఁ బాండురాజుకరణిన్ రుద్రప్రతాపుండు కొం డలరాయప్రభుసార్వభౌముఁడు ప్రచండాటోపియౌ వేంకటా చలధాత్రీపతి నాఁగ నిర్వురమహాసామ్రాజ్యధౌరేయులన్.

⁠ 30

సీ.⁠

అర్థిదారిద్య్రముద్రాంధకార మడంపఁ         జంద్రార్కులతెఱంగు సంగ్రహించి దుష్టనిగ్రహకళాదోహలస్ఫురణచే         రామలక్ష్మణుల బీరంబు నెరపి శాత్రవోత్కరజయోత్సాహసాహసమున         భీమార్జునులపోల్కె దీముకొల్పి

⁠