పుట:2015.373254.Bhanukavi-Panchatantri 0048.pdf/2

గీ.⁠

తగరు పోర సృగాలమ్ము, తాఁ దలంప భూరికపటాత్ముఁ డాషాఢభూతిచేత, తంతువాయకుచే దూతి, తనక తనక స్వార్థముగఁ బొందె నీమూఢనర్థములను.

⁠ 155

వ.⁠

వెండియు నమ్మహాత్ముండు సవిస్తరమ్ముగా నెఱిఁగింపఁ దత్స భాజనంబులు విస్మయంబు నందిరి నరేంద్రుండును నాయంబష్ఠుని విడిపించె నాశివశర్మయు నపహృతార్థుండై యెందేనియం జనియె, నట్లు భిక్షుకజంబు కదూతికలు తమతమ నేరమిచే వృథాచేటు నందిరి. అట్లు నేనును నేమి కతంబున నిది దెచ్చుకొంటి ననిన విని కరటకుండు దమనకుం గర్తవ్యం బెయ్యది చెప్పుమనిన, దమనకుం డిట్లనియె.

⁠ 156

క.⁠

మృగవల్లభవృషభులకును బగ బుట్టఁగఁజేసి ప్రేమ వాయఁగజేయన్ దగిన మహోపాయము పెం పుగఁ దలపోయంగవలయు బుద్ది నటంచున్.

⁠ 157

కవిరాజవిరాజితము.⁠

చలమున విక్రమసంపద నోర్వవశం [బదికాక) యుపాయపుఁ బెం పలవడ గెల్వఁగవచ్చు నహీంద్రుని నబ్బలి భుగ్విభుమాడ్కి ననన్ దెలువు మదెట్లన ము న్నొకమ్రాకునఁ దేఁకువ వాయసయుగ్మము, పి ల్లలఁగన దత్తరుకోటర నాగము లాఁచికొనం గని శోకమునన్.

⁠ 158

వ.⁠

ఒక్కనాఁ డవ్వాయసవిభుండు నిజసతిం జూచి ప్రసవసమయంబగు టెఱింగి తనసఖుండగు జంబుకప్రవరుకడకుం జని మదీయనివాసంబగు తరువున నొక్కకోటకమ్ముఁ జేకొని యొక్కకాలసర్పంబు మదర్భకుల భక్షింపఁదొడంగె, తదపాయోపాయమ్ముఁ జెప్పుమనిన నతం డతని కిట్లనియె.

⁠ 159

క.⁠

బక మొక్కటి మీల సము త్సుకతం దిని యెండ్రిచేత సొంపరి మది నం తకుఁ జేరదె హింసారం భకులకు ధరలోనఁ జేటు వాటిలకున్నే!

⁠ 160