పుట:2015.373254.Bhanukavi-Panchatantri 0048.pdf/1

తే.⁠

అన్యపురుషుని నాహృదయమ్ములోనఁ దలఁచి యెఱింగితినేని సత్యమ్ము, నాసి కంబు రాకుండు నారీతి గాకయున్న వచ్చుగ్రమ్మఱ, నని పల్కె వఱలు మతిని.

⁠ 150

వ.⁠

అయ్యవసరమ్మున నతండు గనుంగవ దెఱచి నాసిక ముఖమ్ము నం దేజరిల్లు నాత్మవల్లభుం జూచి యువతీ! పతివ్రతాభరణం బవని గాఢా లింగనంటు జేసి తద్బంధనంబులు విడిచెనంత.

⁠ 151

క.⁠

సంతోషమ్మున భిక్షుం డంతయు వీక్షింపుచుండ నద్దూతిక య త్యంతవిషాదమ్మునఁ గడుఁ జింతింపుచునుండె ముక్కు చేడ్పడుకతనన్.

⁠ 152

వ.⁠

అంతఁ దద్వల్లభుండగు క్షౌరకుండు పురజనమ్ములకుఁ బనులఁ జేయుటకునై ముంగిట నిలువంబడి తనభార్యం బిలిచి క్షురికాసంఘమ్ము దెచ్చియిమ్మనిన నది మొగమ్ము గానరాకుండ నిలయమ్ములోనుండి చేయి సాచి యొక్కకత్తి యిచ్చిన నది శాతక్షురిక గాకుండుటం గలంగి గృహ మధ్యంబునం బడవైవ నాజంత తన కిదియ సమయం బని విస్మయశోకమ్ములు కల్పించుకొని యప్పుడు.

⁠ 153

శా.⁠

ముక్కున్ గత్తి కరమ్మునందుఁ దనరన్ మొఱ్ఱో మొఱాలింపరో! దిక్కై యిప్పుడు గావరో! నిరపరాధిన్ నన్ను మద్భర్త, చేఁ జిక్కం బట్టుక యింత చేసెననుచుం జీరెం దలారిం బ్రభున్ నిక్కం బంచు జనమ్ము వీథులఁ దను న్వీక్షింప దుఃఖంపుచున్.

⁠ 154

సీ.⁠

ఆతలవరి భూతలాధిపు కెఱిగింపఁ                     గుపితుఁడై మంగలి నపుడు పట్టి తెప్పించి సభఁగూర్చి యిప్పు డీపాపాత్ము                     నేమి సేయఁగదగు నెఱుఁగఁ జెప్పు డన విని శూలమ్మునను వీని వ్రేయంగఁ                     దగవని జెప్ప నత్తఱి జనమున సన్యాసి చన విచ్చి యన్యాయ మిది యని                     తల యూచి నగుచు పద్యమ్ము చదివి

⁠