ఈ పుటను అచ్చుదిద్దలేదు
వ న కు మా రి---
నట్టియానందమింకనాకెట్టు లబ్బు
గలలనై నను గొండల గాననమీ
బూవుబొదరిండ్ల సెలయేండ్ల బుష్కరముల
దలుగు సమయంబు తలపనే తలపనైతి.
కొండనెత్తమ్ముల గోరాడుమబ్బుల
గమనసౌందర్యంబు గాంచికాంచి;
మేఘోదయంబున మిసమిసపురివిచ్చి
యాడునమ్ముల యెప్పు లగిసియరసి,
యమృతధారలరీతి నచ్చమై ప్రవహించు
సెలయేళ్ళలో గ్రీడ సలిపిసలిపి;
ప్రకృతిమంజులమైన పక్షులగానంబు
దమెదీఱ వీనుల ద్రావిత్రావి;
యెండవేళల బూబొదరిండ్లదూరి
హరిణగర్భినులకు జివురాకు లొసంగి
ప్రసవమాలల ధరియించి ప్రతిదినంబు
గాననంబున రాణనై క్రాలుచుంటి.
