ప్రథమాశ్వాసము
21
ప్రబలుసుఖముల వేంకటభర్త నిండు
వేడ్కలు చెలంగఁ దిరుమలవిభుఁ డనంగ.
సీ. ఆర్యానుమోదనప్రౌఢరీతి వహించి
యమరుసంపద హెచ్చుకొమరుఁ బూని
పరమహీభృద్భేదపటుశక్తి భరియించి
ప్రథితసుబ్రహ్మణ్యభావ మంది
తతమహాసేనాభిధానసంగతిఁ గాంచి
బహుళాత్మజస్ఫూర్తిఁ బరిఢవిల్లి
తారకజయలీల ధారుణి వెలయించి
శూరపద్మనియతి జూరలాడి
తే. వాసవాపత్యవరణీయభాసురాంగ
పటిమవల్లీలసద్వృత్తిఁ బ్రబలుకతనఁ
దిరుమలేంద్రుండు కొమరునితీరుఁ జెంది
పరమశివమూర్తికరుణచేఁ బడసెఁ గీర్తి.
సీ. హరిణాక్షులను గూడ నతనులీలల మించె
క్షితి వసంతోత్సవం బతిశయిల్ల
నరిభేదనస్పూర్తి సురథుం డన రహించె
విజయదుర్గార్చనావిభవ మెసఁగ
నుడిరాజనారాయణుఁ డనుపేరు వహించె
లక్ష్మీవిలాసలీలలు చెలంగ
శరభాతిశయరీతిఁ జాలఁ గీర్తి వహించె
వితతసింహాసనస్థితి పొసంగ
తే. ననుచు జను లెల్ల బొగడఁ దా నతిశయిల్లెఁ
జారుతరనిత్యశోభనసమయమిళిత
కవిబుధవతంసవైణికగాయకోక్తి
తతనిజాస్థాని తిరుమలధరణిజాని.
