106
సత్యభామాసాంత్వనము
రావింపఁగోరి యుండఁగ
నావేళను జనుల కెల్ల నద్భుత మెసఁగన్.
సీ. బంగారుచెంగావిపావడలమెఱుంగు
బయ లానునట్టినెమ్మెయిబెడంగు
పచ్చరాపలకడాల్ రచ్చఁ బెట్టెడిచిన్నె
పొసఁగెడిఱెక్కల పసరువన్నె
కపురొందునింద్రనీలపుపొగరు లెసంగు
శిరసునఁ దగుకరజిగిహొరంగు
నలుదెసలందు నందపుముత్తియపుమ్రుగ్గు
చల్లెడియుదరంబు తెల్లనిగ్గు
తే. నెఱపసపునీటిచాయలు నిక్కుముక్కు
బెరయ నున్నట్టుమాటికి తిరుపు గట్టి
చేరి యటమీఁద శౌరిముంజేతిమీఁద
వ్రాలె రహిఁ జిల్క నొకపచ్చవన్నెచిల్క.
చ. అటువలె వ్రాలి యంతఁ జిగురాకుకటారివజీరుతేజి యు
త్కట మగుసత్యభామచేయితావి నునుంబస పంటి ఘమ్మనన్
చిటిపొటిఱెక్క తెమ్మెరలచే వడి దేరినదానవారితో
నిటు లనె నీశమౌళిగళదిందుసుధామధురోక్తి వైఖరిన్.
ఉ. సామి జొహారు నీ కసురశాసన నీపదదర్శనంబుచే
నీమెయి నాది న్మిగుల హెచ్చినధన్యత గల్గె నయ్య నే
నామున సత్యభామకర మందు వసింతు మృగాక్షి నన్ను నెం
తే మదిఁ బ్రోది సేయుటలు దేవరచిత్త మెఱుంగునేకదా.
క. అకలంకచరిత నీకున్
శుకవచనం బింపు గనుక సుదతీమణి యా
త్మకథలు దెలుపు మనన్ సే
వకజనమందార చేర వచ్చితి నెలమిన్.
