పుట:సకలనీతికథానిధానము.pdf/56

50

సకలనీతికథానిధానము

సీ.⁠

చాంద్రగుప్తక్షితీశ్వరుఁడు దేశాంతర         మరుగుచో తుహినభూభరముపొంత ఘనుఁడు త్రికాలజ్ఞుఁడను సిద్ధు బొడగని         మ్రొక్కిన నాసిద్ధముఖ్యుఁ డనియె నెవ్వరి కిచటకిని నేతేరరాదు నీ         వెట్లు వచ్చితివి నీ కిత్తు నెద్ది యని గంతయును దండమును గరణియుగూడ         నిచ్చి తన్మహిమల నెఱుఁగజెప్ప

⁠

తే.⁠

అందికొని వచ్చు తెరువున నధిపుఁ డొకఁడు రాజ్యహీనత్వ మొంది యరణ్యవీథి దీనదశ చెంది తన్ను నర్థించుటయును సిద్ధుఁ డిచ్చిన యవి యిచ్చి క్షితివరుండు.

⁠ 295

వ.⁠

వానిమహిమ దెల్పువాఁడై యిట్లనియె.

⁠ 296

తే.⁠

గంత ధరియింప మేదినీకాంతుఁ డగును కరణి మోపిన ప్రాణసంగతులు గలుఁగు దండధరుఁడైన రిపులదోర్దర్ప మణంచు ననుచు నుపదేశ మిచ్చి దా నరిగె బురికి.

⁠ 297

వ.⁠

మఱియొకవిశేషంబు వినుమని యిట్లనియె.

⁠ 298

క.⁠

సోదరులు పాళ్ళుకొరకై వా దడిచిన పిన్న పెద్ద వరుసానుగతిన్[1] వా దడఁచి పంచిపెట్టిన భూదేవుల వేల్పు లనుచు బొగడుదు రార్యుల్.

⁠ 299

వ.⁠

అది యెట్లనిన.

⁠ 300

1. పిన్న పెద్ద వరుస ననుగతిన్