45
నిమ్మపళ్ళు వడికట్టి తిరిగి రమ్మనుము
చిన్ననాటివి రెండు చీటి అంగీలు
జీడిపళ్ళు వడికట్టి తిరిగి రమ్మనుము
చిలుకల్లు తిన్నాయె జీడిపళ్ళు
హంస ల్లుతిన్నా యె అంజూరపళ్ళు
హంసతిన్న పండు హండాలుకట్టి
చిలుకతిన్నపండు చిక్కాన పెట్టు.
లఘుటీక
మొదటిఖండం
2. వింజరపురేవు = కాకినాడ సమీపంలోఉంది. వాడ = ఓడ. 3. మాడ = వరహాలోసగం లేక రెండురూపాయిల విలువ బంగారు నాణెం. ఇప్పుడు వాడుకలోలేదు. 4. సూటిగుర్రాలు = సమానమైన గుర్రాలు (సూడు = వైరం, పగ). లక్కపావా = లక్క_పూతగల పాంకోడు. 9. ఏకదివాణం = ఒక్కదివాణం. 13. విడిమట్టు(వ్యు, విడిది+పట్టు) = విడిది ఇల్లు. 16. గూడొగ్గుట = పిట్టలనుపట్టు పంజరం వేయుట. 18. పణతి = స్త్రీ. 24. బోరుతలుపు = పెద్దరెక్క తలుపు. 26. రేక = గీత. 27. వాడ = వీధి. 28. రెండు, నాలుగు, ఆరుచరణాలలో క్రియ స్థానంచూడండి. 29. బలగం = బంధువర్గం. ధరణిచేరు, భూమి చేరు = ఇవి ఉయ్యాలచేరుల పేర్ల యుండవచ్చు. 32 మావి = మా యొక్క. 36. వద్ది (వద్దిక?) = భయభక్తులు కలిగి యుండుట. 41. ఉప్పాక = ఒకగ్రామనామం. 42. పార్వా = పావురం. 48. వల్లభుడు = ఒకని నామం, సమర్త కట్నం = రజస్వలయిన కన్యకు పెళ్ళికొడుకువారు తెచ్చేకట్నం. 50. అణుప్పసుపు = ఒకరకంపసుపు. గోవపూవు = గోగుపువ్వు ? కొట్టుపసుపు = ఉడికించిన పసుపుకొమ్ములు రోటిలోదంచినగుండ. 51. ఈ 'సిరిపురం' విశాఖపట్నం జిల్లాలోది. చదరాలు = చదురాలు; సమర్థురాలు. శాంత = ఒకమనిషి పేరు. 63. రక్షపతి = రక్షణము చేయురాజు. 65. ప్రాణాచారం = సాష్టాంగం; చండు బెల్లం = (వ్యు, చుండు + బెల్లం) ఒకరకం బెల్లం.
