సర్గ 6
18
కుంభకర్ణునకు కూర్చువాసమయి
మేఘము పోలిన మేడపై కెగసి,
దాని కవల శుద్ధముగానున్న వి
భీషణు శాంతినివేశము నరసెను.
19
పిదప మహోదరు ప్రియసదనమును, వి
రూపాక్షుని నిజకాపురము, నవల
విద్యుజ్జిహ్వుని వేశ్మము, నట్టులె
వజ్రదంష్ట్రుని నివాసగృహంబును.
20
శుక్ల సారణుల సుఖసౌధంబులు,
వీక్షించి, పిదప ఇంద్రజిత్తు శో
భాయమాన దివ్యాయతనంబును
అవలోకించెను ఆమూలాగ్రము.
21-22
జంబుమాలి నిలయంబు, సుమాలి గృ
హము, సూర్యశత్రు నాలయము, నటులె
రశ్మికేతు హర్మ్యము వెదకి, పిదప
వజ్రకాయుని నివాసమున దుమికె.
23-24
ధూమ్రాక్షుడు, విద్యుద్రూపుడు, భీ
ముడు నున్న గృహంబులు పరికించెను,
ఘన విఘనులు, వక్ర, వికట, శఠ, శుక
నాసులునున్న భవనములు చూచెను.
25
హ్రస్వకర్ణ దంష్ట్రకులు, రోమశుడు,
ఇంద్రజిహ్వుడును, హితుడు వజ్ర జి
హ్వుడు, మత్తుడు, యుద్ధోన్మత్తుడు, హ
స్తిముఖుడున్న నిలయములను కాంచెను.
