ఈ పుట ఆమోదించబడ్డది
సుందరకాండ
శ్రీ
సుందరకాండ
సర్గ - 6
1
ఇష్ట రూపముల నెత్తజాలు కపి
జానకి నచ్చట కానలేమి, దుః
ఖమున మునిగి శీఘ్రమే సమకట్టెను
లంక నాల్గుమూలలు గాలించగ.
2
సూర్యుని భాతిని జ్యోతిర్మయమై
బలముగకట్టిన ప్రాకారముతో
సర్వసంపదల సంశోభిలు దశ
ముఖు నంతఃపురము ప్రవేశించెను.
3
కంఠీరవములు కాననమున్ బలె
గండురక్కసులు కావలికాయగ,
దుర్గమమగు దైత్యుని నగరును గని,
కపికుంజరు డుత్కంఠితు డాయెను.
4
వెండిచట్టముల బిగియించిన చి
త్తరువులతో బంగరు తోరణములు,
అంచెలంచెలుగ నమరియున్న శి
ల్పంబులతో ద్వారంబులు వెలసెను.
73
