ఈ పుట ఆమోదించబడ్డది
సర్గ 2
శ్రీ
సుందరకాండ
సర్గ 2
1
అట్లు, దాటుటకు అలవికాని పా
రావారము నతిరయమున దాటిన
హనుమ స్వస్థుడై యరసె త్రికూట శి
ఖరము మీది లంకానగరంబును.
2
కొండమీది మ్రాకు లురలి కురిసిన
పూల వానలన్ మునిగిపోయి, కపి
పుష్పమూర్తివలె పొడకట్టెను, పటు
వీరవిక్రమోదారుం డయ్యును.
3
నూఱామడల సుదూరము పఱచియు
అలసి సొలసి ఉసురసురని సొక్కడు,
ఉత్తమ విక్రమ సత్తాయత్తుడు
సాహసికాగ్రణి శ్రీ హనుమంతుడు.
4
నూఱామడ లొక దూరమె ! పదినూ
ఱామడలయిన నికేమి ! దాటగా
జాలుదు; నాకీ సాగర లంఘన
మెంతటి దని హనుమంతు డుల్ల సిలె.
44
