సర్గ 68
18
జవ సత్వంబులు, శౌర్య సాహసము,
లిచ్చ వచ్చి నట్లెగయు ప్రభావము,
కలిగిన గండర గండలు లక్షలు
కోట్లు, అతని అడుగులబడి నడతురు.
19
ఆకాశంబున, అంతరిక్షమున,
పాతాళము లోపలను భ్రమింతురు
అడ్డ మాక లే కలవోక, మహా
వానర వీరు లపారవేగమున.
20
బల దర్పితులయి వాయు వేగమున
భూచక్రంబును పూర్తిగా తిరిగి
వచ్చిరి పలుమరు వార లనంఖ్యలు
జాహు బల మనోబల భూయిష్ఠులు.
21
నాకంటెను చండ ప్రచండు లు
న్నార లనేకులు; లేరెవరును నా
కంటె కనిష్ఠులు, కపినాథుని స
న్నిధిలోన పురంధ్రీ మతల్లి రో!
22
నను సామాన్యు నొకని పంపిరి యీ
స్వల్పకార్యమున కధికు లెందుకని,
దూతలుగ ఉదాత్తుల నంపరు భూ
మీశు లరసి మాదృశుల పంపుదురు.
23
కావున నీవిక దేవీ! దైన్యము
త్యజియింపుము, పరితాపము మానుము
ఒక్కదూకులో యోధవానరులు
లంకపై బడి కలంత్రు పునాదులు.
