సుందరకాండ
20
రాముం డెద నను ప్రేమించిన, నా
కట్టిడి చెఱ విని కరగిన, తన కో
దండము నెక్కిడి దారుణ శరముల
చంపుగాక రాక్షసులను శీఘ్రమె.
21
అరికులాంతకుం డయిన లక్ష్మణుడు,
అన్న అనుజ్ఞల నడిగి, ఏల ? తా
నైన రోషమున దానవులను చం
ప కుపేక్షించెడి? మా సెనె మగటిమి!
22
పురుష శార్ధూలములు, పవన హుతా
శన సమతేజులు, చండ విక్రములు,
దేవతలును సాధింపలేని రఘు
వీర సోదరు లుపేక్షింతురె యిటు?
23
నా దుష్కృతఫల మేదో బలముగ
కలదు నిశ్చయము; కాదేని యిటుల
ఏమఱి యుందురె రామలక్ష్మణులు
నాయెడ, శత్రువినాశ సమర్థులు.
24
దీనముగా వై దేహి కనుల బా
ష్పములు పొరలగా పలికిన, కరగెను
నా హృదయము కొందలమున, జానకి
తో నిట్లంటిని దుఃఖ మడచుకొని.
25
దేవీ! రాముడు నీ వియోగ దు
ర్వ్యధతో విముఖుండాయె నన్నిటను,
లక్ష్మణు డార్తి విలాపించును, నే
నొట్టు తిందు నిది గట్టి, సత్యమని.
499
