ఈ పుట ఆమోదించబడ్డది
సర్గ 67
శ్రీ
సుందరకాండ
సర్గ : 67
1-2
అట్లు రాముడు మహాత్ముడు కోరిన;
ఆరంభించెను హనుమయు; రఘువర!
సీత నీకిటుల చెప్పుమన్న దొక
జరిగిన కార్యము జ్ఞాపకార్థముగ.
3
చిత్రకూటమున చేరియున్న తఱి,
ఇద్దరు సుఖముగ నిద్దురపోతిరి,
సీత ముందు లేచెను, కాకి యొకటి
ఆయమ వక్షము నంటి గీఱెనట!
4
దేవి అంకమున నీవు శయించితి,
వంత, పాపవాయసమును వదలక
తిరిగివచ్చి బాధించెను దేవి స్త
నాంతరమును గాయములుగా పొడిచి.
5-6
మఱలమఱల నటు మాఱుమసలి, కా
కము వేధింపగ, కారుచున్న నె
త్తురుతో నిను నిద్దురలేెపెను సతి,
కాకపీడనకు గాసిలి వేసరి.
496
