ఈ పుట ఆమోదించబడ్డది
సుందరకాండ
శ్రీ
సుందరకాండ
సర్గ : 66
1
అట్లు హనుమ సీతాన్వేషణ కథ
చెప్పిన విని, ఇచ్చిన చూడామణి
ఉరమున మాటికి ఒత్తుకొనుచు, రా
ఘవు డేడ్చెను, లక్ష్మణు డడలుకొనెను.
2
మైథిలి చూడామణి నీక్షించుచు,
శోకము నాపగలేక రాఘవుడు,
నిండి కారు కన్నీళ్ళు వెల్లిగొన
సుగ్రీవుని చూచుచు విలపించెను.
3
లేగమీది బాలెంత సళుపుచే
ఆవు పొదుగున ప యస్సు చేపు గతి
ఈ మణిరత్నము నీక్షింపగ నా
మనసు కరగి చెమ్మగిలి స్రవించెను.
4
జానకి పరిణయ సమయంబున, ఈ
మణి చదివించిరి మా పితృపాదులు,
పెండ్లి కూతురికి పెట్టిరి పాపట
బొట్టుగ, శోభిలె ముంగురులందున.
493
