సుందరకాండ
18
ఈ కార్యమునకు ఇతరులు చాలరు,
హనుమ యొక్క డె సమర్థుడు, దక్షుడు,
కార్యసాధనకు కావలసిన , దీ
క్షయు, బుద్ధియు, బలిమియు, కలవతనికి.
19
బలమును, కార్యోపాయ, మనుభవము,
కలవతనికి, అంగదుడు జాంబవం
తుడును నేతలుగ తోడై నడపగ,
ఇట్టి అకార్యము లెన్నడు జరుగవు.
20
తిఱిగివచ్చెనట పఱచిన బలములు,
అంగదాదు లుద్యానవనము హత
మార్చిరట, వలదన్న రక్షకుల
మోకాళ్ళు విఱుగపొడిచి తన్నిరట.
21
ఇది యంతయు మా కెఱిగించుటకై
విచ్చేసె నితడు, పేరు దధిముఖుడు,
మధువనాధిపతి, మధురభాషి, వి
ఖ్యాతుడు కపిలోకమునం దెల్లను.
22-23
సీతను సందర్శింపకున్న ఈ
పరమోత్సాహము పొరలదు వారికి,
అదియుగాక , మా ముదితోద్యానము
ఆక్రమించి చేయరు దుండగములు.
24
సీతను దర్శించిరి వానరు లను
సుగ్రీవుని ముఖ సుఖవాక్కులు, విని
వీనుల విందుగ, మానసముల ఆ
నందించిరి రఘునందను లిరువురు.
479
