ఈ పుట ఆమోదించబడ్డది
శ్రీ
సుందరకాండ
సర్గ : 63
1
తన పాదంబుల తలవాల్చి పడిన,
వానర వృషభుని మేనమామ గని,
సుగ్రీవుడు మనసున నొచ్చుకొనుచు,
వ్యాకులుడై యిట్లనె ఆదరమున.
2
లెమ్ము లెమ్ము, అభయమ్మిచ్చితి నీ
వేల పాదముల వ్రాలితి విట్టుల
వీరాగ్రణి ! భయకారణమును అం
తయు ఎఱిగించుము నాకు వివరముగ.
3
ప్రభువు పలుకు విశ్వాసము నింపగ,
లేచి, వానర కులీనుడు దధిముఖు,
డచ్చట జరిగిన ఆగడమంతయు
వక్కాణింపగ ప్రారంభించెను.
4
రాజేంద్ర ! ఇదివఱకు, నీ తండ్రియు
నీవును, వాలియు నీయలేదు మధు
వన మెవ్వరికిని తిని త్రాగుటకయి,
వీటి బుచ్చి రాతోట వానరులు.
476