ఈ పుట ఆమోదించబడ్డది
సర్గ 61
19
తేనె త్రాగి తలతిరుగ వానరులు
పచ్చని తోటను పాడుచేసి, రది
కని దధిముఖు డాగ్రహమున వచ్చి, ని
వారింప తొడగె భయభర్త్సనముల.
20
వనపాలకుడు, ప్లవగకులమాన్యు, డ
తని మాటలకు బెదరక మార్మసల,
కొఱకొఱలాడుచు కోతుల తోలెద,
వన వినాశమును వారించెద నని.
21
దర్పముతో కొందఱిని తిట్టి, కొం
దఱచేతుల అఱకాళ్ళను తా
డించె బలిమి, లాలించె చెలిమి, హరి
నయభయముల తంత్రంబులు మెఱయగ.
22
త్రాగిన కై పువ రేగి వానరులు,
ప్రతిరోధంబును పాటింపక , జం
కక, అటునిటు లాగదొడంగిరి దధి
ముఖు, నే దోషంబును లేకున్నను.
23
గోళ్ళను గిచ్చుచు, కోరల కొఱుకుచు,
కరముల క్రుమ్ముచు, కాళ్ళను తన్నుచు,
పానమదంబున వానరు లెగబడి
మధువనమును ధ్వంసము కావించిరి.
468
