ఈ పుట ఆమోదించబడ్డది
శ్రీ
సుందరకాండ
సర్గ 61
1
అంతట అంగద హనుమత్ప్రముఖులు
జాంబవంతుని ప్రసంగ వైఖరికి
ప్రీతులగుచు, కపివీరులతోడ, మ
హేంద్రగిరి విడిచి యెగసిరి మింటికి.
2-3
హనుమ దారితీయ, మహాకాయులు
కపికుల వీరు లెగసిపో నగపడె,
మదపు టేనుగుల మందలు మందర
మేరు గిరులను భ్రమించుచున్నటుల.
4
పంచభూతముల ప్రస్తుతులందిన
హనుమ, ననఘుని, మహాజవసత్వుని,
వానరులందఱు వాచినట్లు చూ
పులతో మోసిరి పూజ్యభావమున,
5-6
రామకార్య నిర్వాహకుల మనుచు
ఖ్యాతి కెక్కుకాంక్షలను వానరులు,
పగతీర్చెదమని ఎగబడిరందఱు,
యుద్ధమునకు సన్నద్ధులై కెరలి.
465
