ఈ పుట ఆమోదించబడ్డది
శ్రీ
సుందరకాండ
సర్గ 60
1
హనుమ కథనమును విని వాలిసుతుడు
అంగదు డిట్లనె, ఆర్యను లక్షిం
చియు తోడ్కొనిరాక , యిపుడూరకిటు
లిక్ష్వాకుల కడకేగుట యుక్తమె.
2
సీతనుకని భాషించితి, మామెను
కొని తేలేదనుచు నివేదించుట,
మీక యుక్తమని నాకుతోచెడిని,
ఆలోచింపుడు ఖ్యాతవిక్రములు.
3
సోదర వానరశూరులార! మన
కీడు కానరా రెవ్వ రెందును, ప్ర
తాప పరాక్రమ దర్పధైర్యముల
దైత్య దేవకుల ధామములందును.
4
అదిగా కట, హతమార్చి వచ్చె మన
హనుమ దైత్యనాయకుల నెందఱినొ,
ఇక నేమున్నది యేగి జానకిని
కొనివత్తము సంకోచము లెందుకు?
462