సర్గ 59
12
రణమున నేను తెఱపిలేని పిడుగు
రాళ్ళ వాన విసరన్ నలుగడలను ,
అమృతాంధసులే హతమైపోదురు ,
ఈ పిశితాశను లేమి చెప్ప నిక .
13
చెలియలికట్టను చెఱపవచ్చు సా
గరము, మందరము కదలవచ్చు పా
దులను, జాంబవంతుని పాదము కద
పగ చాలవు, రిపువాహిని వఱదలు.
14
వీరుడు వాలి కుమారు డంగదుడు
ఒక్కడు చాలును రక్కసి మూకను,
వారి తాతలను వరుసపెట్టి తెగ
టార్ప, నిర్భయ నిరంకుశముగ నట.
15
పవనుడు, నీలుడు, భండనంబునకు
తోడిబడి దూకిన తొడల రాపిడికి,
మందరాచలము మడగి బ్రద్దలగు
ఏమి చెప్ప నిక ఈ లంక గతిని.
16
ద్వివిద మైందవులు తీండ్రించిన , దే
వాసురు, లురగులు యక్షులు దక్షులు
గంధర్వులును వికావిక లగుదురు,
ఎదిరి నిలువగల రెవ్వరు వీరిని.
17
ఈ మహాభాగు, లిరువు రశ్వినీ
దేవతల సుతులు, దీటువచ్చువా
రెవ్వరు వీరికి; చివ్వల లోపల
మోకరింపగల పోటరులు కలరె?
