సుందరకాండ
108
పెరిగెను కాయము పెద్ద పర్వతం
బట్టుల ఉన్నతమగుచు, రణా పే
క్షా వేశము మిట్టాడ, అశోకో
ద్యాన ధ్వంసము నారంభించితి.
109
తోటలో తరులు తునిగి విఱిగిపడ,
పక్షు లెగిరిపోవగ, మృగములు చె
ల్లాచెదరై తరలన్ , కలవరమున
అసురులు మేల్కొని రాకస్మికముగ.
110
వనములోన పలువాడలనుండి ని
శాచరాంగనలు చాళ్ళుచాళ్ళుగా
వచ్చి నన్నుగని, వడివడి పరుగిడి
రెఱిగింపగ అసురేంద్రున కందఱు.
111
రజనీచరకుల రాజేశ్వర ! నీ
బలపరాక్రమంబులు తెలియని వా
నరు డొక్కడు, కండబలమున అశో
కవనమును కలచి కా డొనరించెను.
112
సుందరమయిన అశోకవనంబును
చెఱచి పాడుచేసిన దుర్బుద్ధిని
చంపివేయ నాజ్ఞాపింపుము, హత
మైపోవును, నీ కప్రియుడాతడు.
113
ఆ మాటలువిని అసురపాలకుడు
దుర్జయులగు యోధులు కింకరులను
నచ్చిన వారిని చెచ్చెర పంపెను,
బలములతో నను పట్టి కట్టుటకు.
447
