సుందరకాండ
96
సుగ్రీవుండను శుభనామాంకుడు,
బహుబలశాలి, ప్లవంగ పాలకుడు,
ఆతని భృత్యుడ హనుమంతుడ, నే
నొక్కడ వచ్చితి నిక్కడి కిప్పుడు.
97
సదమల కర్మ యశస్వి, శూరు, డభ
యవ్రతి, నీపతి, అంపె నన్నిటకు,
ఆనవాలుగ నిజాంగుళీయకము
ఇచ్చినాడు నీకిమ్మని దేవీ !
98
ఏమిచేయవలె నికమీదట, నా
కానతిమ్ము, తడయక తపస్వినీ!
పుణ్యమువలె కొనిపోయి నిన్ను శ్రీ
రామలక్మణుల ప్రక్కన దించెద.
99
నా చెప్పినదంతయు విని, విషయము
ఆకళించి యిట్లనెను మనస్విని,
'రావణ సంహారంబు చేసి రఘు
కుల వీరుడు నను కొని పోవలయును.'
100
సీత వచనములు స్వీకరించి, తల
వంచి, వందనార్పణముసలిపి, ఏ
దయిన రాఘవున కాహ్లాదకమగు
ఇష్టలాంఛనము ఇమ్మనికోరితి.
101
అన విని భగవతి ఆదరం బొలయ,
ఇచ్చెద నీ కొక యిష్టరత్నమును,
దానిని గని బహుమానించును నిను
ప్రాణవల్లభుడు పరమమోదమున.
445
