సుందరకాండ
58
చుట్టును రాకాసులు, ఱాగలు, వికృ
త స్వరూపిణులు, తర్జింపగ ; మద
మాంస రక్తములు మరగిన పెద్దపు
లులలో చిక్కిన యెలలేడివలెన్,
59
ఏకవేణిగా ఎగయచుట్టి తల
కురులను, శోకకుకూలము రగులగ,
దీనదినముగ మ్లాన వదనయై
భర్తృచింతతో పరితపించు సతి.
60
వట్టి నేలపయి పవళింపగ తను
కాంతి తఱిగె హేమంత నలినివలె,
రాక్షస బంధవిమోక్షము గానక
నిశ్చయించె మరణింవ మనస్విని.
61
కన్నెలేడి వాల్గన్నులతో, అటు
నిటును చూచుచున్నటు లగపడె సతి
నేనును రఘుపత్నిని చూచుచు, శిం
శుపశాఖల కూర్చుంటిని కదలక.
62
ఆ తరుణంబున హలహల మంచును
కాసెల యందెల గాజుల చప్పుడు
రావణు నంతిపురంబుల నుండి వి
నంబడె గంభీరంబుగ ఎడనెడ .
63
అలజడితో నే నప్పుడు నాదు స్వ
రూపము మార్చి, తరుప్రకాండ శా
ఖలలో నొదిగితి; గగనము లోపల
పక్షిచందమున నిక్షేపంబుగ.
439
