సర్గ 58
35
కొంత దవ్వరిగినంత, నా గతి గ
మక వేగంబులు మందగించె, నా
నీడను పట్టిన జాడతోప, నలు
గడ పరికించితి, కనబడ దేమియు,
36-37
ఛాయా గ్రాహి నిశాచరి యిదె కా
బోలు నటంచును బుద్ధితోచ, ఱె
ప్పలు వాల్చక చూపులు నిల్పి, వరీ
క్షించితి నప్పుడు క్రింది భాగమున
38
అచట భయంకరమగు రూపముతో
నీళ్ళలోన శయనించి లేచు రా
క్షసి కనబడె, అది కటికి నవ్వుతో
అరచుచు అశుభము లాడసాగె నిటు
39
ఓ యతికాయుడ ! పోయెద వెచటికి ?
బహుకాలం బిట ప్రాశనంబు లే
కున్న నాకు నే డోదనమై నీ
తను మాంసంబుల తనుపుము వేగమె.
40
అట్లు బొబ్బలిడు అసురి జంకెనల
కూకొట్టుచు తలయూచితి, తోడ్తో
మేను పెంచితిని మితిమిక్కిలి, సిం
హిక గ్రసింపజాలక క్షోభిలుగతి.
41
నన్ను మ్రింగ ఆకొన్న రాక్షసియు
తెఱచుచుండె తీవరముగ నోటిని
చూడదాయె నాజాడ ఆత్రమున ,
ఎఱుగదాయె నేపఱచిన తంత్రము.
