సుందరకాండ
5
మింటిని ముద్దగ మ్రింగుచున్నటుల
చుక్కలరాయని మెక్కుచున్నటుల,
ఆకసమును తారార్క సహితముగ
ఆహరింపుచున్నటు లద్భుతముగ
6
కాలమేఘముల తూలగొట్టుచున్
పోవుచుండెను నభోమార్గంబున,
కపికులోత్తముడు, గంధవహుని త
నూజుడు, హనుమంతుండు సరాసరి.
7
తెలుపులు, కెంపులు, నలుపులు, పసుపులు
వన్నెలు మెరయుచు వారిధరములు ప్ర
కాశించెను ఆకాశమం దపుడు,
గాలిలో మహాకపి ధావింపగ.
8
మాటికి మబ్బులచాటుకు పోవును,
మాటికి తెరలనుదాటి బయల్పడు,
ఒక తఱి మెరయక, ఒక పఱి మెరయుచు
చిందులాడె హరి చందమామవలె.
9
మెలచిన తెల్లని తలపాగాతో
ముంచి తేల్చు మబ్బుల లోపల , హరి,
కనబడి కనబడక , భ్రమించెను వా
నాకాలపు చంద్రముని చందమున.
10
ఆకాశంబున ప్రాకు మేఘముల
చిందర వందర చేసి చీల్చుకొని
బయటికి దుమికెడి పక్షి రాజువలె,
భ్రమలు కొలిపె చూపఱకు మహాకపి.
423
