ఈ పుట ఆమోదించబడ్డది
సుందరకాండ
30
బలసిన పాములు బిలముల లోపల
మెడలు తలలు త్రొక్కుడులకు నలిగిన
కసరి విసపు నాల్కలు క్రోయుచు వెస
చుట్టలు విప్పుచు చురచుర వెడలెను.
31
హనుమ పాదపీడన కరిష్ట గిరి
కంపించి కదల, గంధర్వులు, వి
ద్యాధర పన్నగ యక్షకిన్నరులు,
నేలవిడిచి వడి నింగికి తరలిరి.
32
చూడ సొంపుగా శోభిలుచున్న అ
రిష్టశైలము హరిబలిష్ఠ చరణ
ఘాతకు పాదులు కదల, చెట్లతో
సడలి క్రుంగెను రసాతలంబునకు.
33
పొడవున పదియామడ, లెత్తున ము
ప్పదియామడ లొప్పగ, విఖ్యాతం
బయిన అరిష్ట మహామహీధరము,
నేలమట్టమై నిలువున దిగబడె,
34
పోటుపాటులకు పొంగుచు క్రుంగుచు,
కల్లోలంబులు గట్లుతన్న, ఘూ
ర్ణిల్లు వార్ధిని తరించు పూన్కి, కు
ప్పించి యెగసె వినువీధికంత కపి.
21-7-1967
421
