సర్గ 55
12
జానకి దగ్ధంబై నశియించెను,
నిజమది ; కాలక నిలిచిన ప్రాంతమె
కానరాదు లంకాపురమున, భ
స్మమయి పోయినది సర్వ దేశమును.
13
నా విపరీత మనః ప్రమాదమున
సీతాదేవి నశించియున్న, నా
ప్రాణత్యాగమె పరిహారం బా
పాతకమున కని భావింతును మది.
14
బడబానలమున పడుదునొ, వార్ధిని
దుమికి మునిగి పోదునొ నేనిప్పుడె,
సాగర జలచర జంతు సంతతుల
కన్నముగా దేహము నర్పింతునొ ?
15
బ్రతికి యుండి, ఏభ్రష్టముఖముతో
వానరేశ్వరుని వదనము చూతును ?
పులులుబోని నృప పుత్రుల నెటు దా
శరథుల చూతును సర్వఘాతుకుడ.
16
రోష దోషమున రోయక అనవ
స్థిత చిత్తుడనయి చేసితి నీ పని,
ముల్లోకములకు వెల్లడించితిని,
చాపల్యము కపి జాతి నై జమని.
17
రాజసభావ, మరాజక, మవశము,
ఇస్సీ ! ఇది గర్హితమౌగావుత !
చాలియుండియును జనకర్షి సుతను
సీత నరసి రక్షింపలే నయితి.