సర్గ 53
5-6
ఆ శాసనమును ఆలకించి, రా
క్షసులు క్రోధలాలసులై , చిరిగిన
బట్టలతో పెనబెట్టి చుట్టి క
ట్టిరి గట్టిగ వానరుని వాలమును.
7
తోకను పాతలతో చుట్టగ హరి
అంతకంత కాయతముగ పెరిగెను;
అడవి నెండి బెండ్లయిన కట్టెలను
తగిలి రగిలి పొడ వగు అగ్నింబలె.
8
తడిపి నూనెతో తరువాతను జ్వా
లను తగిలించిరి లాంగూలమునకు;
వెలుగువాలమును విసరె, నసురు లెడ
బడ, బాలార్కముఖుడయి మహాకపి.
9
అంతట, హనుమ మహావాలంబున
జ్వాల లెగయగా సంతోషముతో,
చూచు చేగిరి నిశాచరు లిండ్లకు,
స్త్రీలును శిశువులు వృద్ధులు విసవిస.
10
పోయిన దైత్యులు పురికొని క్రమ్మరి
తిరిగివచ్చి బంధించిరి వానరు,
తత్కాలానుగతంబుగ హనుమయు
తలపో సెను చిత్తమున నీ పగిది.
11
బద్ధుడనై నను బలపాటవములు
కల వీ పాఠంబులను త్రెంచి, పై
కెగసి, రాకుసుల నింతలంతలుగ
చించి, చెండి, చెచ్చెఱ వేటాడగ.
