ఈ పుట ఆమోదించబడ్డది
సుందరకాండ
శ్రీ
సుందరకాండ
సర్గ 52
1
హనుమ భాషితము లాలకించి, కో
పోద్రేకంబున ఒడలు మఱచి, వడి
నాజ్ఞాపించె మహాకపి వధమును
నిండుకొలువులోనుండి రాక్షసుడు.
2
రావణు డటు లా గ్రహమున వానర
వధ విధింపకని, భావించె విభీ
షణుడు, దౌత్యమును జరుపగవచ్చిన
వానిని చంపుట కాని కార్యమని.
3
క్రుద్ధుడయిన రక్షోవిభు నారసి,
సంఘటిలిన దుస్సంకటము తరచి,
అపుడు తానవశ్యము కార్యార్థము
చేయవలసినది చింతించెను ధృతి.
4
కృతనిశ్చయుడై , కినుకనున్న అ
న్నను, పూజ్యుని, రిపుజన జేతను కని,
పలికె, సార్థకము, భవితవ్యము నగు
పలుకు, మాట నేర్పరి విభీషణుడు.
389