సర్గ 50
11
నిజమును చెప్పుము నిన్ను విడిచెదము,
కల్ల లాడ దక్కదు నీ ప్రాణము,
కాదయేని, లంకాపతి రావణు
ఇల్లు చొచ్చుటకు ఏమి కారణము ?
12-15
సచివోత్తము ప్రశ్నలు విని మారుతి,
బదులు పలికె రావణు వీక్షించుచు,
ఎఱుగ నింద్ర యమ వరుణ కుబేరుల,
విష్ణువు ప్రేరేపింపలేదు నను.
?
వానరజాతుడ, వచ్చితి స్వయముగ
రాక్షసేంద్రు దర్శనమున, కందుకు
అనువేర్పడ మీ వనమును విఱిచితి,
ప్రాణరక్షణార్థము పోరాడితి.
16
అసురుల కమరులకై నను శక్యము
కా, దస్త్రంబుల కట్టివేయ నను,
ఈ వరమును నాకిచ్చెను బ్రహ్మయె,
రాజ దర్శనార్థమె బంది నయితి.
17
అస్త్రబంధములు అగలి యూడినను
పీడించిరి పగతోడ రాక్షసులు,
ఓర్చితి, వచ్చితి, ఒక్క రాజ కా
ర్యార్థ మిట్లు మీ యంతికంబునకు.
18-19
కల, డమిత పరాక్రముడు రాఘవుడు,
ఆ మహనీయున కాప్తుడ , దూతను,
హితములైన నా యీ వచనంబులు
ఆలకింపుము శుభార్ధములు ప్రభూ !
23-6-1967
