ఈ పుట ఆమోదించబడ్డది
సర్గ 50
శ్రీ
సుందరకాండ
సర్గ 50
1
లోకములకు భయ శోక దాతయగు
రావణుండు రోషావశుం డగుచు,
పచ్చిగోఱజము వన్నె కనులతో
ఎదుట నున్న కపి వృషభుని కనుగొని.
2
శంకించెను, వాస్తవ కపి మాత్రుడు
కాడు వీడు, మును కై లాసంబున
తిరుగునపుడు నను తిట్టి శపించిన
సాక్షాన్నందీశ్వరుడు కానగును.
3
కాక, వానరాకారంబున బా
ణాసురు డిటు నే డరుగుదేరగా
బోలు, నటంచును లోలోపల తల
పోసెను ఊహాపోహలు మిగులగ.
4
మనసులో నిటుల మధనలు పడి పడి,
రోషరక్త నేత్రుడయి, ప్రహస్తుని
చూచి పలికె సమయోచితంబుగా
దశకంఠుడు సార్థక వాక్యంబులు.
378
