సర్గ 1
114
ఉపకారికి బదు లుపకరించుట స
నాతన ధర్మము; ఈతడు నిను పూ
జించి, సుకృతి కానెంచి, పిలిచి
ప్రేరేపించె హరీ! నన్నిటుల.
115
నూఱామడలు సుదూరమొక్క మొగి
ఎగసి మీదుగ పరుగులెత్తు హనుమ,
నీ నెత్తములను నిలిచి సుంత వి
శ్రాంతి తీసికొని సాగి పోదగును.
116
అనుచు సముద్రుడు నను బోధింపగ
నీ నిమిత్తమయి నేనిటు లేచితి,
కాన నీవు నాకడన నిలిచి, వి
శ్రాంతిని గైకొని సాగిపోదగును.
117
నా యింటి సుగంధములు కందమూ
లముల నారగింపుము, సెలయేటి జ
లముల నాస్వదింపుము, సేదలు తీ
ర్చుకొని పొమ్ము రేపకడ మహాబలి!
118
సుగుణోన్నతుల నెఱిగి పూజించుట
ముల్లోకములను ముఖ్యాచారము,
మాకుకూడ సంబంధంబున్నది
నిను పూజించి తనియుటకు హరీ!
119
ఎగురజాలు జీవగణంబులలో
ప్లవగులు ముఖ్యులు; వారల లోపల
నిను ముఖ్యునిగ గణింతు నిరంతము,
భావమునందున పవననందనా!