ఈ పుట ఆమోదించబడ్డది
సర్గ 49
శ్రీ
సుందరకాండ
సర్గ - 49
1
భీమ పరాక్రమధాముడు మారుతి
అసురుని చేతల కచ్చెరువందుచు
రోష తామ్ర కల్మాష నేత్రుడయి
పాఱచూచె రావణు నోలగమున.
2
ఆతని మకుటము జ్యోతిర్మయమై
అపరంజిపసిమిని పిసాళించుచు,
ముత్తెపు కుచ్చులు బిత్తరింప దీ
పించుచుండె ఉద్వేలమానముగ.
3
జీవరత్నముల జిగిజిగి మిగులగ
మొలకమణుల పూజలు చెక్కిన చి
త్రాభరణములు ప్రియములై నవి మెయి
నిండార మెరయు చుండె నందముగ.
4
సన్న పట్టువస్త్రము ధరియించెను,
అరుణ చందనము అలదె నంగముల,
వెఱపు గొలుప విప్పిన రక్తాక్షులు
వ్రాలు పెదవులును వ్రేలుకోరలును.
374