ఈ పుట ఆమోదించబడ్డది
శ్రీ
సుందరకాండ
సర్గ : 47
1
వేగశాలి కపివీరుడు సేనా
పతుల నైదుగుర హతమార్చుట విని,
రాక్షసరాజు సమక్షమందె కనె,
ఆహవదోహలు అక్షకుమారుని.
2
తండ్రి చూపులనె తల పెఱింగి, వి
ల్లంది లేచెను అరిందముడాతడు;
ఋత్విజులు సమర్పింప హవిస్సులు
ప్రజ్వలించు క్రతు పరిషదగ్నివలె.
3
బంగరు గొలునులు బంధించిన రథ
మెక్కి, బాలరవి చక్కదనముతో
వెడలెను, వానరవృభుని పోతర
మణచి, పట్టగా అక్షకుమారుడు.
4
మేలిమి గొలుసులు వ్రేలుకాడ, ర
త్నాల పతాకల ధ్వజములెగయ అ
ష్టాశ్వంబుల ఆయత్తమయిన రథ
మతని తపస్యార్జిత మనోరథము.
357
