సుందరకాండ
5
ఆ వీరుల కడుపార కన్నత
ల్లులు, చుట్టము, లిష్టులు నప్పుడు భయ
శంకితులై అలజడిబడి కలగిరి,
కింకరవధ కథ కెలక మనసులను.
6
ఒకరి నొకరు త్రోసికొనుచు మంత్రికు
మారులు వెడలిరి తోరణంబుపై
కూరుచున్న కపికుంజరు మీదికి,
కరగ రాపిడికి కాంచనభూషలు.
7
శరపాతంబులు జలధారలుగా,
రథరటనము గర్జా ఘోషముగా,
బోరున కురిసెడి కారు మేఘముల
మాదిరి వ్రాలిరి మంత్రికుమారులు.
8
తెఱపిలేని బహుశరధారలలో
తెప్పతేలు కపి తీరు కనబడెను,
ప్రళయ మేఘముల వానముసురు లో
పల మునుగుపడిన పర్వతంబువలె.
9
జడిగొని కురిసెడి శరపాతంబును.
దిరదిర తిరిగెడి తేరుల వడియును
వ్యర్థము చేసెను హనుమ, భ్రమింప చే
యుచు నక్కుచు నిక్కుచు వినువీథుల,
10
ధనువులు ధగధగమన పెనగు కుమా
రుల లోపల మారుతి చూపట్టెను,
మెఱయు మబ్బులను చెరగి చెంగనా
లాడు వాయువు మహా ప్రభువువలె.
347
