ఈ పుట ఆమోదించబడ్డది
శ్రీ
సుందరకాండ
సర్గ 43
1
హనుమ కింకరుల నటు తెగటారిచి,
ధ్యాన స్తిమితుండయి చింతించెను,
మట్టము చేసితి మంగళవనమును
తాకనైతి చైత్యప్రాసాదము.
2
తోటవలెనె యీ మేటి సౌధమును
సైతము సాంతము చదును చేసెదను,
అని తలపోయుచు అనిల సుతుడు తన
బలము చూపు సంభ్రమమున పురికొని.
3-4
మేరుశృంగముల మేరమీఱు ఆ
మేడమీదికి దుమికి కూర్చుండెను
హనుమానుడు, జగతిని ఉదయించిన
రెండవ భగవానుండు సూర్యుడన .
5
కదలింపగ శక్యంబుకాని చై
త్యప్రాసాదము అడుగంట కుదిపి,
జయలక్ష్మీ లాంఛనుడై వెలిగెను;
పారియాత్ర పర్వత సమప్రభల.
338
